أنا البحر

أنا البحر العجوز اللي
ما يِنحَت صخر
ماليش ثأثير علي الشاطئ
عميق يمكن !
غريق جايز !
لكنى فريسه مضمونه
لفعل البَخْر
وموجي تِكسره المواعيد
مِدَادي من دموعي المالحه
لا بَروي نخيل ..
ولا بَسقي صبايا الزَهر
أنا بصُفارة الغُربه
بَشِّد بواخر الترحال
وبطوي ف مُهجتي المواجيد
أنا البحر اللي بِيطَّهر
أنين الكون
وبيعلم ف حرب الرزق
حدوته وأغنيه
وشَد القلع من نـَوِّة
حروف الصبر !
أنا البحر اللي عَجِّز من
قديم الدَّهر

مصر جايه
أنا فين م الشباب اللي
هديره ف فلتة الطوفان
وثوره بتحيي من عذبه
هوي الرمان
ويتهادي علي شطه ..
جمال البدر
وجاي فوضي
بيجري بروح كما الرهوان
بيشبه ف اندفاع الضوء
……. فتون النهر .

شعر: أشرف الفراني