يا سارق الروح
يا سارق الروح
حكايتك يا روح الروح
ليها بداية مالهاش نهاية
يا عشق الوتين والروح
عن فكري وبالي ما بتروح
باب قلبي سبته لك مفتوح
تسكنه لكن صعب تهجره وتروح
سيب روحك لروحي تبوح
يهون عليك قلبي يبات مجروح
من بعدك أنا جسد بلا روح
يا سارق الروح يا روح الروح
ده عشقك ما يعرفش هروب
مش قادرة عنه أبعد وأتوب
وف حضن عيونك أتوه وأدوب
يالي شمسك ما تعرفش غروب
بستاني طرح من الحب ورود
يا سارق الروح يا روح الروح
نهى عراقي
