أي حاجة

أي حاجة

بقلم هاني متولي

مش هاكتب أي حاجة في أي حاجة
أنا هاكتب كل حاجة في كل حاجة
أنا بالأمانة باسكت لما حد يقولي حاجة
أصل الحياة مش طالبة نزعل بعض على أي حاجة
احنا ما نصدق نتجمع على أي حاجة
حتى لو كانت بسيطة مش محتاجة
كفاية لمتنا و فرحتنا بأقل حاجة
لو كان فطار بالنهار بناكل أي حاجة
المهم نتجمع و نتوحد على حاجة
حتى الهزار على قهوة بلدي أهو بردو حاجة
حتى الكلام إللي لا يجيب و لا يودي حاجة
و الفضفضة من الهموم و كل حاجة
بتريحنا و تخلينا نستقبل أي حاجة
المهم نكون مع بعض في كل حاجة
حتى لما بندور على المستورد و نقول عقدة الخواجة
مع إن كله محصل بعضه في كل حاجة
لكل شيء عمر و ده في كل حاجة
لا محلي هيدوم و لا مستورد في أي حاجة
إحنا إللي بنكلف نفسنا من غير حاجة
عملت فرحك في نادي أو في شادر الناس مش هيعجبها أي حاجة
و الخلاصة ارضي ربك بالخير في أي حاجة
ده عملك الصالح لو كان بسيط
هتاخد عليه من ربك حاجة
و ما تقولش ده بسيط ما يسواش حاجة
إحنا يوم الحساب هندور على أي حاجة
ربك رحيم بالعباد و بيحسب كل حاجة.