فخر الصناعة المصرية

أكتر حاجة بنعملها حالياً إننا بنتكلم عن المنتج المصرى، وبنشجع الصناعة المصرية
وبالرغم من كثرة الحديث عن الموضوع محتاجه أفكركم إن إحنا كمان صناعة مصرية كوكبة من الفنانين والعلماء والأدباء والمثقفين صناعة مصرية،
صُنعت فى مصر بأيدي أمهات وآباء مصريين ،
نشأوا على تراب مصر،
على سبيل المثال لا الحصر

مصر جايه
أم كلثوم وعبد الوهاب وعبد الحليم ، نجيب محفوظ و إحسان عبد القدوس ،أحمد زويل ، مجدى يعقوب ،محمد صلاح .

كل الأسماء العظيمة ديه صناعة مصرية .
مصر ولادة منذ قديم الأزل ،
ربت وأنتجت أجيال عظيمة على جميع المستويات برغم كل الظروف ،
لما باقول أنا مصرية باحس بمنتهى الفخر وبيكون للحديث بقية بيكون فى تاريخ طويل أتكلم عنه ومش هقدر أخلص حديثى عن مصر ،،،
مصر التاريخ والحضارة والفن
مصر الجدعنة وولاد الأصول
مصر رمضان والعيد
اللى زار مصر عمره ما هينساها
ولا عمره هينسى شوارعها وأهلها
أنا كمان فخورة انى صناعة مصرية ،، كبرت واتعلمت فى مصر ،،
هوايتى هي الملابس والحلى المصنوعة يدويا ، وكان حلمى إني أقدر أوصل للناس منتج يدوى متميز ونجحت فى ده الحمد لله *ولسه عندى حلم* إن المنتج ده يصل بره مصر علشان العالم يتعرف على منتجاتنا اليدوية وجمالها ودقتها وأد إيه إحنا متميزين فيها.
ما اكتفيتش بده ذاكرت واجتهدت أكثر لان كان عندى حلم أكبر إنى أكون ستايلست والحمد لله وصلت لده ،،
وأصبح لي بصمة فى مجالى
كل ده عملته من داخل مصر ،،
طول ما أنت ماشى فى مصر هتلاقى ناس حلوة،، كلها صناعة مصرية
مش بس الأكل والشرب والملابس صناعة مصرية ،
إحنا كمان صناعة مصرية جدا
ستايلست.. داليا حسام