إحساس الظلم
إحساس الظلم
كتبت :رانيا حسن
عارف إحساس إنك مظلوم
من اقرب إنسان في الكون
وعارف إحساسك بالخوف
و إنك من القسوة ياما تشوف
أصعب شئ تصرخ بسكات
وتداري بضحكة ماساة آهات
ودمعة حبسها تخونك وتبوح
بحزن قلبك اللي عمره مابيروح
طيب عارف إحساس الدهشة
وكلماتك فجأة بقت ساكتة
بدافع أمام حبيبك
وخايف منه ليسيبك
فتقرر تبعد عن روحك
وتمشي تجرجر في جروحك
ماهو قربه مليان بالظلم
وبعده إحساس باليتم
وفي كل الاحوال تعبان
ولا داري بحالك إنسان
سيبها علي رب الكون
عمره ما بينسي مظلوم
قادر يبدل حالك
وتلاقي قلبك مجبور
إحساس الظلم
