إخلاصنا

إخلاصنا

بقلم: إيمان باشا

كنا حبايب وباعونا، وفي عز الفرح هجرونا والحزن ساكن فى قلوبنا ودارينا لما جرحونا.

وصبرنا يمكن بحنينهم
لما يزيد يفتكرونا
وقاسينا من ظلم فراقهم مع كل ده الناس يلومونا.

وده كله يجرى علشان كنا في يوم حبايب وباعونا.

ليه الدنيا لما تصالحنا
تستكتر الفرحة علينا
وزمانا يسعد أرواحنا
وفي ثانيا يسرق أمانينا.

ياخد قلوبنا ولا يخلي
إلا الدموع تملى عنينا
وكل ده برضه علشان كنا في يوم حبايب وباعونا.

ضحينا علشانهم بقلوبنا وبعمرنا واستنينا، وإن كان قدرنا إن فراقهم
يكون نصيبنا إحنا رضينا.

عدت سنينا وذكراهم
فضلت تنور ليالينا
إخلاصنا باقى علشان كنا في يوم حبايب وباعونا.