لما يكون لك قلب يحبك
لما يكون لك قلب يحبك
كتبت :رانيا حسن
ديه نعمة كبيرة أحمد ربك
ساعات الواحد من كتر الزحمة
بيضرب لخمة و يحس بوحدة
أجمل شئ تلاقي رفيق
تحكي ويحكيلك ويبقي صديق
و لما الدنيا تقسي وتقلب
وتفضل مستني حد يطبطب
و لو ملقتش حد بيسمع
بعد ماكان قاعد مستمتع
أحضن نفسك طيب خاطرك
و أستغني بربك هو شاريك
اللي بيخطب ود الناس
بيفضل طول عمره منداس
أقوي و أستغني بجد
عن كل عزيز خان الود
إيه يعني قريب جري لبعيد
أو صاحبك خدله صاحب جديد
عامل علي الضحكة والفضفضة
أضحك مع نفسك وبقهقهة
حكمة وقالوها من زمان
أوعي في يوم تدي الأمان
لما يكون لك قلب يحبك
